# الهدف وفكرة المخالفات .. !

.....
في السابق ، كان كافي إن ننبه العضو بإن هالشي ممنوع بـ شبكة ناطرك .. أو نلغي مشاركته المخالفه بدون ما ننبهه حتى . وبهالإسلوب القديم كان يصير في مجاملة وظلم لأعضاء وايد ... كون المخالفة مو قاعده تتم بشكل رسمي وموثق .

.... أما في النظام الجديد، فـ كل عضو له سجل خاص فيه ... يظهر فيه جميع المخالفات والإنذارات اللي حصل عليها العضو من بداية تسجيله في المنتدى حتى هاللحظة ، وطبعا هالسجل يظهر للمشرف فقط ... وبالتالي يسهل علينا متابعة هالعضو إذا كان ملتزم معانا بقوانين المنتدى ، أو انه شخص متمرد يحب الشغب ..

.... يفرق نظام المخالفات بين نوعين من العقوبات اللي ممكن يتلقاها العضو ، وهي كالتالي - :

- الإنذارات( كرت أصفر ) : وهي عبارة عن مجرد تنبيه وإنذار للعضو بإنه ارتكب مخالفة ، ما نحاسبه عليها .. فقط يتوجه له تنبيه . وما تنحسب عليها أي نقاط تدخل في رصيد مخالفاته ..

- المخالفات ( كرت أحمر ) : وهي مخالفة حقيقية ، والعضو اللي يحصل عليها يزيد رصيد مخالفاته بالنقاط ، حسب قيمة ونقاط المخالفة ...

مثل توضيحي :

في حالة إعطاء العضو إنذار :

اقتباس:
العضو فلان ، طرح موضوع أو مشاركة غير هادفه مثل : ( الألعاب اللي مالها هدف غير زيادة المشاركات ، أو ردود الشكر بدون إبداء راي ... إلخ ) . شفنا هالمشاركة للعضو فلان .. وحبينا نعطيه تنبيه فقط لا غير ، كون هالعضو جديد ويانا .. أو يمكن كونه عضو مميز ومانبي يدخل بسجله مخالفات على مشاركة وحده ... أو غيرها من الأسباب اللي يشوفها المراقب .

في حالة إعطاء العضو مخالفة :

اقتباس:
نفس المثال السابق ، العضو نزل موضوع غير هادف .. ونبي نعطيه مخالفه حتى ما يكرر هالشي .... ، وحسب تقسيم النقاط للمخالفات : الموضوع او المشاركة الغير هادفه قيمتها نقطتين تدخل بـ رصيد العضو ..

وعلى اساس هالكلام ، العضو يجمع بـ رصيد مخالفاته النقاط ...

# المخالفات ناطرك الرسمية ، والنقاط المقابله لها :

..... كثير من الاعضاء ما يدرون كل مخالفه عليها كم نقطة ، ولهالسبب مثل ما قلت فوق إنهم يتفاجئون بالطرد التلقائي اللي يصير لهم لما يوصلون لعدد معين من المشاركات ... لهالسبب راح احط قدامكم المخالفات وقدامها النقاط اللي تدخل برصيده في حالة حصوله على المخالفة ... :

المخالفةالنقاطموضوع مكرر1رفع المواضيع القديمة1مشاركة تتضمن غزلا مباشراً بأحد الاعضاء1مشاركة تحتوي على ألفاظ مسيئة للأدب والأخلاق العامة1مشاركات ومواضيع غير هادفه2التعرض للأعضاء والغمز واللمز عليهم2التعرض للأعضاء ومضايقتهم اما بالخاص أو رسائل الزوار2موضوع أو مشاركة تحتوي على صور مخلة بالآداب2وضع صور مخالفة في التوقيع أو في أحد المشاركات2طرح مواضيع ونقاشات طائفية2مشاركة أو موضوع منقول3وضع إعلان لـ منتدى آخر5سرقة أدبية لـ موضوع / صورة ، والإدعاء بإنه صاحبها !8التعرض لأحد الأعضاء بالشتم والسب والتعدي على أعراضهم10

ومثل ما الاعضاء الجدد حصلوا على مخالفات ، فـ أعضاء كبار ومهميين بـ شبكة ناطرك حصلوا على مخالفات بعد ... المخالفة مو عيب

" ساعدونا بجعل شبكة ناطرك مكان آمن خالي من المخالفات !!

من خلال هذا الزر الموجوده يمين كل مشاركه موجوده بشبكة ناطرك ! "

في حال وجد موضوع أو مشاركه مخالفه للقوانين ، بس click عليها